Hezteko jolasak

Ohiko pedagogiak ez du jolasa ontzat hartu, hezkuntza eta jolasa bateragarriak ez omen zirelako. Gaur egun, ordea, denok dakigu umeek jolastuz ikasten dutela, bizitza bera etengabeko joko bihurtzen dutelako. Horrela, bada, jarduera ludiko hori osagai metodologiko egokia da, neska-mutilak behar den moduan prestatzeko. “Jolastea
ez da ikastea eta lan egitea, baina jolastuz, umeek inguruko gizarte-mundua ulertzen ikasten dute” (Ortega, 1990).
Horiek horrela, jarduera ludiko hori baliabide pedagogikoa ere izango da, eta, beste zenbait jarduera edo diziplina artistikorekin batera, neska-mutilen nortasun sortzailea, soziala, emozionala, motriza eta intelektuala aberasten du. Beraz, euren hezkuntza sustatzen da. Jokoak ohiturak eta gizarte-jokabideak igorri eta dinamizatu egiten ditu, eta funtsezkoa izan daiteke gaztetxoak bizitzarako bete-betean prestatu ahal izateko. “Oso egokia
izango litzateke hezkuntzaren helburu gorena zoriontasuna izatea, jokoaren zeregina lehentasunezkoa izango litzatekeelako” (Delgado, 1991)

www.edefundazioa.org (infor)